真係好耐都冇打過日記, 最近出左AL result, Econ同 中化D,其他合格......不過 kenji 同 frenda 考得好好, 真係有D羨慕 ，希望佢地會入到自己鍾意既 Faculty。

諗返之前既一年, 雖然我地3個都係Repeater, 不過佢地同我就好唔同。佢地不斷咁為左自己既目標而努力讀書, 我自己返而唔知為左咩野去讀。以前既我, 永遠都唔會走在別人的前面, 只會跟著別人開拓出來既路走, 所以遇到挫折會搖擺不定。不過, 到左今日呢一刻, 我覺得自己改變左, 我有自己既目標─ 就算自己係一個愚蠢既人都好, 我都唔可以變成一個無用既人! 下一年, 我會讀AD同重考AL。第1次AL, 我係一個廢人。第2次, 我跟著別人去努力。到左呢一次, 我想試一試自己一個人認認真真甘去做, 我唔會再迷茫; 並不是為了任何人, 而係為左證明自己係一個有用既人。

呀哥問我會唔會同時讀AD同AL會好辛苦, 我答佢:「辛苦, 不過我覺得值得!」, 聽日, 我每日都會去自修室溫習, 為自己既目標奮鬥!

(P.S.: kenji, 我記得你講過"Moses, 其實你Acc 唔止D嫁, 你可以再勁D", 我唔會令你再失望! 一年既之後既今日, 我要在大學門前同你講:「終於, 我都黎到啦。」)

都唔知點解呢排咁多fd 有感情煩惱, 有D散左, 有D關係糾纏不清...

To:  Iris     : 雖然你好似好開心, 不過我知你都有為以前既事唔開心,    即管同我地講啦; 唔開心就同我地顛

      小英   :你堅持D啦, 佢唔鍾意你嫁, 你唔好作賤自己, 搵過另一個啦

      chicken: .......仍然你咁堅持, 我點都支持你既, 希望佢真係會同你一齊

今日突然收到舊同學既message, 話我地以前胡忠F.1 既班主任參選港男, 不是吧!!一睇之後原來係真既, 即時0 晒咀。

楊中之友camp

前兩日同楊中既人去左camp: 大尖, L, Sze, Zita, 3叔, 一齊去左長洲。我去完 city IN 完就返屋企執野, 搭地鐵竟然見到Elaine wo, 佢仲同我揮手tim, 我完全無諗過佢會咁friendly lo, 跟住一齊揮手, 勁開心; 搭地鐵仲要撞到L同車tim。

DAY 1, 同L入到梅窩, 見到佢地就一齊搭車入長沙。我地去到果間超大既屋, 一齊燒野食。 個火勁細, 我淨係燒得熟條腸仔既頭, 要切黎食lo，俾人勁笑。跟住食「生日」蛋糕，其實係屬大尖, L, 3叔同我既, 真係多人。突然間呀Sze話有gift wo, 諗都冇諗過, 最後我收到一條有牌既項鍊同吉吉降頭仔。

DAY 2,由 6:30 訓到12:00, 起身煎野食。跟住仲一齊玩Twister, 扭到我抽晒根咁; 仲玩埋「Sa 盲雞」tim。玩到累睇明日之後同春田花花同學會, 明日之後勁好睇, 睇到以為自己身處其境(因為冷氣大)。最後我同呀Sze走先, 部快船要 Double錢, 俾左$32>< 不過好彩每人租屋約$70, 兩日都玩得好顛呀!!

N個月後的第一次

今日係N個月後的第一次打日記, 好耐都無打啦, 不過睇完Jackie同的如既日記又手癢想打, 所以再開一個新diary。

星期6去完見jackie份工, 依家都未有消息, 唔會......不過見果時有一個男仔又係見summer trainee, 唔會請佢唔請我掛。一上去就填表, 我填得快好世界^^入去房面試, 見到有個呀叔同Miss。佢地講到好似請我咁, 講到份工勁detail, 我地有講有笑, 根住個Miss 就話過幾日打俾我話返工。不過, 依家都未有....

唔通真係唔請我?唔係要我幫人補中化丫嗎?雖然我拎B姐, 不過好似有D搵個fd苯咁(其實一課收$50 ja ><), 都唔知點好